பெண்களுக்கு மாதவிடாய் வரமா? சாபமா? பாகம் 2

இந்த கர்ப்பப்பை செயல்பாடு சந்திரன், செவ்வாய் இரண்டு கிரகத்தை வைத்தே செயல் படுகிறது. சந்திரன் பூமியை சுற்றி வருகிற சுற்று பாதையில், நம் சூரிய வட்ட பாதையின் ஏரியல் வியூ ஆனா நட்சத்திரங்களின் முப்பரிமாண தன்மைகளை கடக்கிறது என்பதை என் முந்தைய கட்டுரைகளில் எழுதியுள்ளேன். அதாவது கால புருஷ தத்துவப்படி ஒரு நட்சத்திலிருந்து 9ம் நட்சத்திரம் வரை 9 கிரகங்களின் தன்மைகளும் இருக்கும். அடுத்து 10-19 நட்சத்திரம் வரை அதே கிரகங்களின் அடுத்த பரிமாணம்,19-27 நட்சத்திரம் அதே கிரகங்களின் மற்றொரு பரிணாமத்தையும் பெறும்.
அவ்வாறு ஒரு பெண் பூப்படைந்த பிறகு, சந்திரன் முதல் 9 நட்சத்திரங்களை கடக்கும் பொழுது பெண்ணுள், கர்ப்பப்பையில் கரு முட்டை உருவாக்கம் (படைத்தல்) (சர தன்மை), அடுத்த 9 நட்சத்திர பயணத்தில் கருமுட்டை பயன்பாடுக்கு தயார் நிலையில் இருக்கின்ற நிலை(காத்தல்)(ஸ்திர தன்மை), அடுத்த 9 நட்சித்திர பயணத்தில் தன தன்மையை இழத்தல்(அழித்தல்)(உபய தன்மை) என்ற சுழற்சி நடந்து கொண்டே இருக்கும்.இது தான் இயற்கையான சுழற்சி.(சரியான மாத விடாய்), இதற்கு ஜாதகத்தில் சந்திரன் நிலையும்,செவ்வாய் நிலையும் சரியாக இருக்க வேண்டும். அதிக பலமும்,பலமில்லா தன்மையும் கர்ப்பப்பை அல்லது இரத்த போக்குகளில் மாறுபட்ட தன்மை இருக்கும். செவ்வாய் தன்மையின் மாறுபட்டு தன்மை பெண்களுக்கு அதிக படியான இரத்த போக்கு, வயிற்று வலிபோன்றவை இருக்கும். இவ்வாறு செயல் இழந்து போன கரு முட்டைகளை வெளியேற்றி கர்ப்ப கிரகமான மூலகிரகத்தை சுத்தம் செய்து மீண்டும் அடுத்த மேற்கூறிய மூன்று இயக்கத்தை உருவாக்குகிற செயல் தானே மாத விலக்கு.

ஒரு ஜனனத்தை உருவாக்குகிற சுழற்சி இயக்கம், இப் புனிதம் எங்கே,எவ்வாறு தீட்டாகி போனது? பெண்களே கூட அருவருப்பு அடைகிற தன்மையை ஏன் கொடுத்தது? அறியாமையா? அல்லது புரிதல் இல்லையா? வீட்டை விட்டு வெளியே இருத்தல், தெய்வீக காரியங்களுக்கு இக்காலங்களில் தடை,பெண்களே கூட வீட்டுக்கு வெளியில் போய் இருந்து கொள்வர்.உணவு உண்ண தனி தட்டு, தனி உடுப்பு, யாருடனும் பேசாத தன்மை என்று எங்கள் ஊரில் பார்கின்றேன்.
இயற்கை (கடவுள்) செய்கின்ற செயலில் தீட்டா? எனக்கு புரியவே இல்லை. கோவிலில் கர்ப்ப கிரகத்தை சுத்த படுத்துகிற போது, அங்கே இருக்கிற தேவையற்ற விசயங்களை வெளியேற்றுகிற போது திரை போடுகிற விசயமாகத்தான் நான் தனிப்பட்டு சிந்திக்கிறேன் பெண்களின் இக்காலத்தை.

மேலும் கரு முட்டைகளின் அழிதலும் சுத்தம் செய்தலையும் இயற்க்கை நடத்தி கொண்டிருக்கும் வேளையில் உருவாக்கம் என்பது சாத்தியமில்லா பொழுது,உருவாக்கத்திற்கான செயலான உடல் இணைவை இயற்க்கை தடை செய்திருக்கும். பெண்களுக்கு ஒரு மாறு பட்ட மன நிலை,உடல் தளர்ச்சி, யோனியின் தசைகளில் ஒரு தளர்ச்சி,உடல் தசை வலிமையின் இயக்க குறை பாடு போன்றவை, பெண்மையின் சுத்திகரிக்கும் காலத்திற்கு இயற்கை வழங்கிய ஒன்றே. கூடல் அப்பொழுது இயலாத செயல், இது ஆணுக்கும்,பெண்ணுக்கும் சிரமத்தை வழங்கும் என்றுதான் பெண்ணை தனித்திருக்க வைத்து மாத விடாய் காலத்தை கடக்க, ஓய்வெடுக்க கூறினார்கள். வெளியேறும் கழிவுகளால் கிருமி பரவல்கள் இருக்கும் என்ற படியாலும் பெண்கள் தன நிலையில் அக்காலத்தில் செயல் பட முடியாது என்பதாலும் அவர்களை ஒதுங்கி இருக்குமாறு செய்தார்கள். ஆனால் பின்னர் தவறான புரிதலலினால் இன்று அது தீண்டத்தகாத ஒன்றாகவே மாறிப்போனது.கிருமி பரவல்கள், திடமற்ற மனநிலை,உடல் நிலை தளர்ச்சி மற்றும் மாற்றத்திற்குத்தான் அன்றைய காலத்தில் மக்களின் பொதுகூடமான கோவில்களில் பெண்களை தவிர்த்தனர்.
ஆனால் சுகாதாரத்திற்கு என எத்தனையோ விசயங்கள் நாகரீக மேம்பாட்டால் இன்றைக்கு வந்திருக்கிற பொழுதும் மாத விலக்கு பிரச்சனையை " பூனையை தூணில் கட்டு என்ற மடாதிபதியின் நோக்கில்தான்" இன்றைக்கும் பார்த்து கொண்டிருக்கிறோம்.இன்றைக்கும் சாய் பாபா கோவில்களிலும்,சித்தர்களின் ஜீவ சமாதிகளிலும் எவ்வித மறுப்பும் இல்லை. மேல்மருவத்தூர் கோவிலிலும் மாத விலக்கான பெண்கள் பூஜை செய்யலாம் என்ற நிலை பாராட்ட தக்க ஒன்று.மாத விலக்கு என்பது பெண்ணியத்தை சுத்த படுத்துவதும் அவர்களின் தெய்வீக தன்மையை புதுபித்தலுமே தவிர தெய்வ குற்றமோ தீண்டதகாத ஒன்றோ இல்லை என்பது என் தனிப்பட்ட கருத்து. இதை பெண்கள் தான் முதலில் உணர்ந்து மாத விடாய் காலங்களில் பெருமையுடன் உணர வேண்டுமே தவிர தன்னை பெண்கள் தாழ்வாக எண்ணக்கூடாது என்பதே
இக்கட்டுரையின் நோக்கம். உணருங்கள்,பெருமை கொள்ளுங்கள்......இன்னும் வரும்..... அஸ்ட்ரோ பாபு.

பெண்களுக்கு மாதவிடாய் வரமா? சாபமா?

நண்பர்களுக்கு வணக்கம்,
இந்த கட்டுரை ஒரு சர்ச்சை யான விஷயத்தை கையிலெடுத்து சுறுக்கி கொடுத்திருக்கிறேன்.சர்ச்சையை கிளப்பும் என்று தெரிந்தே எழுதியிருக்கிறேன்.குறிப்பாக பெண்களின் விழிப்புணர்வுக்காக

பிரபஞ்சத்தின் தன்மை இரண்டு சக்திகளை அடிப்படையாக கொண்டதே.1).சிவம்,2)சக்தி. சிவம்- ஆண், சக்தி- பெண், இத்தன்மைகளை பூமியில் இருக்கிற தன்மைகளோடு ஒப்பிடின்,எதற்கு என்று நோக்கின்,இனபெருக்கமே அன்றி வேறொன்றும்மில்லை.ஆண்,பெண் என்ற பிரிவு தன்மை உயிரினங்களில் ஏன்? ஒன்றாக ஒரே தன்மையில் இருந்திருக்கலாமே. இயற்க்கை கொடுத்த தன்மை,விதி,கட்டளை தானே,அவ்வாறாயின்,அந்தந்த தன்மைக்கு உரிய தகுதியை அத்தன்மைகள் அடைந்திருப்பதுதானே சிறப்பு,விதைக்க முடியாத ஆணும்,விளைவிக்க முடியாத பெண்ணும்,எதற்கு? இவ்வாறு இல்லையெனில் படைத்தலின் அடிப்படை ,இயற்கையின் விதி தோற்றுவிடும்தானே? சரி நாம் வாழும் இந்திய நாட்டில் பெண் என்பவள் போற்றபடுபவாளாய்,வணங்குதலுக்கு உரியவளாய் அனைத்து உருவாக்கத்திற்கும்,மேற்கோளாய் தானே கொண்டிருக்கிறோம்.அனைத்து கடவுள்களின் ஆதி சக்தியாக கூட பராசக்தி வடிவம் கொடுத்து நம் இந்து சமயம் வைத்திருக்கிறதா இல்லையா? ஏன் அப்படி?
பெண் என்பது இயக்கம் ஒரு உருவாக்கம் தேவை எனில் இருப்பை விட இயக்கத்திற்கே முக்கியத்துவம்,இயற்க்கை பெண்ணிற்கு வழங்கிய பெரிய வரமே உருவாக்கம் தானே, எங்கெல்லாம் உருவாக்கம் இருக்கிறதோ அங்கு பெண் தன்மை இருக்கும். இது இயற்கையின் ஆணை,வடிவமைப்பு இதுதான். இன்றிலிருந்து உருவாக்க தன்மையை பெண்ணிற்கு இயற்க்கை தடை செய்கிறது என்று வைத்து கொள்வோம். மனித இயக்கம் இருக்குமா?இருக்கவே முடியாது என அறுதியிட்டு கூறலாம். ஆனால் உருவாக்கத்திற்கான ஒரு செயல்தான் கலவி,உடலுறவு இந்த செயலை மனிதன் தன பகுத்தறிவு தன்மையால் பகுத்தறிவின் மையமான உணர்தலில் சுகம் கண்டு பெண் என்பவள் சுகத்திற்க்குத்தான் என்ற சுகம் காணுகிற ஆசையின் விளைவாய் பெண்மை மாறுபட்ட தன்மையால் புரிந்து கொள்ளப்பட்டு விட்டது. வாழுகின்ற நிலைகளை,சமயத்தை வடிவமைத்த நம் முன்னோர் இந்த ஆசையை மனித குல வளர்ச்சிக்கு பயன்படுத்தி, ஆண் என்ற வலிமையை பெண் என்பவள் தான் வெளிபடுத்த வேண்டும் என்ற சூத்திரத்துக்குள் வைத்ததுதான் இன்றைய சூழ்நிலையில் புரிதல் மாறிப்போனது.ஆண் தன்னை முன்னிறுத்துகிற நான் என்ற இயற்கையான அகங்காரம் நாளைடைவில் ஆதிக்கமாய் மாறி,தன்னை நிலை நிறுத்த பெண் தன்மையை மறைவுகளுக்குள்ளே கொண்டு சென்று விட்டது.
சரி இவ்வாறு போற்றுதலுக்குரிய பெண்ணின் உருவாக்க தன்மைக்கு காரணம்,உருவாக்கம் நிகழ்கிற கர்ப்ப கிரகமான கர்ப்பப்பை. இந்த கர்ப்பப்பை எனும் விசயம் இல்லையெனில் பெண் என்கின்ற தன்மை எங்கே? இயற்க்கை ஆண்,பெண், என்ற தன்மையின் ஆதாரமான வித்தியாசமே இதுதானே இந்த கர்ப்பப்பையில் அதியதக்க விசயங்களை இயற்க்கை வழங்கி இருக்கிறது.
பெண் மனம்,உடல் வலிமையை செயல்படுத்த கூடிய ப்ரோட்டின் உற்பத்தி ,உடல் கட்டமைப்பின் ஆதாரமான எலும்புகளின் வளர்ச்சி மற்றும் உறுதிக்கு காரணமான கால்சியம் உற்பத்தி,இரத்த சுத்திகரிப்பின் ஒரு பங்கு, இரத்தத்தை கட்ட விடாமல் இருக்க செய்யும் ஒரு திராவக சுரப்பு,வேல் என்ற அமைப்பான முதுகு தண்டின் இருப்பை நிர்மாணிக்கிற தசை நார் வலிமை, போன்ற முக்கிய விசயங்களை இந்த கர்ப்பப்பைக்குள் இயற்க்கை வடிவமைத்து இருக்கிறது. அதே போல் விந்துவும்,கருமுட்டையும் இணைந்து உருவாகிற ஒரு விசயத்தை தன்னுள் கொண்டு, அதை அடுத்த பரிணாமத்திற்கு,கொண்டு சென்று உடலாக,உயிராக,ஆன்மாவின் உறையிடமாக மாற்றுகிற அற்புதமான வரம் தானே இக் கர்ப்பப்பை.
கர்ப்பபையை எத்தனை பாதுகாப்போடு இயற்க்கை வழங்கி இருக்கிறது. உடலில்உள்ள அனைத்து உறுப்புகளின் இயக்கத்தில், இயற்க்கை சயமாக சுத்த படுத்தி தூய்மையாக வைத்து கொள்ளும் ஒரே இடம் கர்ப்பப்பை தானே அவ்வாறு சுத்த படுத்துகிற ஒரு விசயம் தானே இந்த மாத விடாய்.ஒவ்வொரு மாதமும் மாத விடாய் விடாமல் நடை பெற வேண்டும்.அப்பொழுதுதான் பெண் என்கின்ற இயக்கம் தடையில்லாமல் நடை பெறும்.(கருத்தரித்திருக்கிற காலத்தை தவிர ) அப்படி இல்லையெனில் என்னென்ன சிரமம் என்பதை பெண்கள் உணரத்தானே செய்கிறார்கள்.
சரி இந்த இயற்க்கை சூத்திரம் தான் என்ன? நம் மஜ்ஜையிலிருந்து உருவாகிற இரத்தம் (செவ்வாய்), அதன் இயக்கமான இரத்த ஓட்டம் (சந்திரன்) இதன் அடிப்படையில்தானே இச் சுத்திகரிப்பு நடைபெறுகிறது.இக் கர்ப்பப்பையின் திறப்பான பூப்படைதல், சுக்கிரனனின் pinal klant இன் செயல்பாடும் ஒரு காரணம். கர்ப்பப்பை வளர்ச்சியுற்றதும் அதை ரிப்பன் வெட்டி திறப்பவர் சுக்கிரன்.ஜனன கால பிறப்பு சூத்திரமான ஜாதக அமைப்பில் செவ்வாய், சந்திரன்,சுக்கிரன் எப்பொழுது சம்மந்தம் பெறுகிறதோ அதுதானே பெண் தன்னை பெண் என்று அறிவிக்கிற பூப்படைதல்.அதே போல் ஜனனத்தில் செவ்வாய் இருக்கின்ற , அக்கிரகத்தை இயக்குகிற தன்மையான நட்சத்திர பாதத்தை கோட்சார சந்திரன் கடக்கிற நாளில் தான் மாத சுத்திகரிப்பான மாத விடாய் , இன்னும் சூட்சுமங்கள் ...... பாகம் 2 ......இல் ,

கோவிலும் ஸ்தல விருட்ஷ்மும் பாகம் 2 

கிரக ஆற்றலை தீர்மானித்து இருக்கும் கோவில்களிலும், எவ்வித கிரக ஆற்றல் தீர்மானித்தார்களோ அவ்வித ஆற்றலை பெற்றுள்ள தாவரங்களான அதிக ஆயுளை உடைய மரங்களை கோவிலில் அமைத்து அச்சக்தியை பிரபஞ்சத்திலிருந்து கவர்ந்து மேலும் அவ்விடத்திற்கு வலு சேர்த்தனர்.அமமரங்கள் கோவிலில் அமைக்க பெற்ற சக்தியை பிரபஞ்சத்திலிருந்து தொடர்ந்து இழுத்து தன்னுள் வைத்து கொண்டு அவ்விடத்தில் அக்கிரக தன்மையை ஸ்திரபடுத்தி,அங்கு வருகிற மக்களுக்கு வழங்கியது இதுவே ஸ்தல விருட்ஷ தத்துவம் ஆகும்.
இவ்வாறு தேர்தெடுத்த விருட்சங்களில் கூட பஞ்சபூத அடிப்படையில் பிரித்து நம் முன்னோர்கள் பயன்படுத்தி பலன் அடைந்தனர்.மக்கள் வசிக்கும் இடங்களில் இவ்வித மரங்கள் அதிகமாக அமைத்து பிரபஞ்ச தன்மையை மக்களுக்கு கிடைக்குமாறு செய்தனர்.
உதாரணமாக அரசம்(நிலம்),அத்தி (நீர்), வேங்கை அல்லது அசோகம் (நெருப்பு),ஆலம்(வாயு),வில்வம் (ஆகாயம்) மேலும் இது போல வேம்பு,புன்னை,வேலம் போன்ற இம்மரங்கள் நெடுங்காலம் வாழும் தன்மையுடையது தானே.
மற்றொரு உதாரணமாக குரு தன்மையின் முக்கிய அம்சங்களில் ஒன்றான பிள்ளை பேறை,அடைய குரு தன்மையை தன்னுள் கொண்டுள்ள நில தத்துவமான அரச மரத்தை நிறுவி,அதன் அடியில் விநாயகரை வைத்து, விநாயக தத்துவமான பிராண வாயுவை, மரத்தை சுற்றி வர செய்து அவ்வாறுசுற்றி வருகையில் சுவாசத்தின் மூலம் மக்களுக்கு பெற செய்து,பெண்களுக்கு கர்ப்ப பை கோளாறுகளை சீர் செய்து கருமுட்டை தன்மைகளை மேம்படுத்தி பெண்மையை மேம்படுத்தி பிள்ளை பேறை பெறுமாறு செய்தார்கள்.
அதே போல நீர் தத்துவமான அத்தி மரம் சுக்கிர தன்மையை தன்னகத்தே கொண்டுள்ள மாபெரும் சக்தி. ஆண்களின் விந்தணுவில் இருக்கிற குறைபாடுகளை நீக்கி,விந்தணுவை பலம் பெற செய்து ஆண்மையை பெருக்கும்,காமத்தை தூண்டும்.தன்மை உடையதே.இவ்வாறு கிரக சக்திகள் பெற்றுள்ள மரங்களை கோவிலில் நிறுவி ஸ்தல விருட்ஷமாக அமைத்து மக்கள் பயன்பெற செய்தார்கள் நம் முன்னோர்கள்.
இன்னும் நம் முன்னோர்கள் வகுத்துள்ள கோவில்களின் ரகசியங்களை எழுதினால் ஒரு பெரிய புத்தகம் எழுத கூடிய சூட்சுமங்களும்,தத்துவங்களும்,சூத்திரங்களும் இருக்கின்றன. நான் அறிந்த உணர்ந்த விசயங்களை முடிந்த வரை சுருக்கி ஸ்தல விருட்சத்தை விவரித்து இருக்கிறேன் என்று நம்புகிறேன்.மேலும் மக்கள் கோவில்களுக்கு செல்லும் போது, அங்குள்ள குளங்களில் அல்லது அங்கு இருக்கிற நீரில் கால்,கை, முகம் கழுவி , கோவிலுக்குள் சென்று அங்கு தீர்மானித்து இருக்கிற சக்தியை பெற்று கொண்டு,ஸ்தல விருஷத்தை சுற்றியோ அல்லது அதனடியில் அமர்ந்தோ வாருங்கள் அச்சக்தி உங்களுக்குள் முழுமையாக இறங்கி உங்கள் தன்மையை மேம்படுத்தும் . இன்னும் வரும்......அஸ்ட்ரோ பாபு.

கோவிலும் ஸ்தல விருட்ஷ்மும் பாகம் 1 

நண்பர்களுக்கு வணக்கம்,
ஸ்தல விருட்ஷம் பற்றிய என் வினாவிற்கு நண்பர்கள் பலரும் பதிலளித்திருந்தார்கள். இதில் நான் உணர்ந்த விஷயங்களை நண்பர்கள் உங்களுடன் பகிர்ந்து கொள்ளவே இப்பதிவு.
கோவில் என்பது பிரபஞ்ச சக்திகளான சூரிய வட்ட பாதையில் இருக்கிற கிரகங்களின் சக்திகள், அச்சக்திகள் சூரிய வட்ட பாதையில் சுற்றி வருகிற தன்மை,அச்சுற்றில் அக்கிரகங்களின் தன்மைகள் செயல்படும் விதம் அச்செயல்கள் பூமியில் ஏற்படுத்தும் சக்தியின் தாக்கம் அறிந்து நம் முன்னோர்கள் அச்சக்தியின் தன்மையை,அவ்விடத்தில் வாழும் மக்களுக்கு பயன் தருமாறு ஏற்படுத்தி வைத்த மிக பெரிய அமிர்தமான விஷயம்.
கிரக சக்திகள் பூமியில் ஏற்படுத்துகிற மாற்றத்தை மக்கள் வாழும் தட்ப வெப்ப நிலைகளுக்கு ஏற்றவாறு அமைத்து அதன் பயனை மக்களுக்கு கோவில் என்ற பொது இடத்தில் மக்களை வரவழைத்து வழங்கினார்கள்.
இதிலும் இரண்டு விதமான தன்மைகள் இருக்கின்றன. 1). கிரக சக்திகள் இயற்கையாகவே பூமியில் கிடைப்பது (சுயம்பு ) 2). தேவைபடுகிற சக்திகளை பிரபஞ்சத்திலிருந்து கிரகித்து அச்சக்தியை தீர்மானித்து அப்பயனை வழங்கியது.
இச்சக்திகள் இவ்விடத்தில் கிடைக்கிற அல்லது தீர்மானிக்கிற இடங்களை சில சூத்திரங்கலின் படியே (ஆகம விதிகள்) அமைத்தனர். அச் சூத்திரங்கலில்,திசை, திக்கு, மேலும் நம் பூமியை ஆளுகிற இரண்டு பெரிய சக்திகளான சூரியன் சந்திரன் செயல்படும் விதம் (திதி,நட்சத்திரம்) ,மேற்கூறிய விஷயங்கள் பூகோள ரீதியாக அவ்விடங்களில் எவ்வாறு சிறப்பாக செயல்படும் என்பதையும் தீர்மானித்தே கோவில்கள் என்ற அமைப்பை தீர்மானித்தார்கள்.
அவ்வாறு கோவில்கள் தீர்மானித்தலில் நிலம்,நீர்,நெருப்பு,காற்று,ஆகாயம் என்ற பஞ்ச பூத சக்திகளின் அமைப்பு மிக முக்கியமாக கொள்ளப்பட்டது. சுயம்பு கோவில்களுக்கு, நிலத்தை இயற்கையே தீர்மானித்து விடும். மற்ற கோவில்களுக்கு, நிலத்தை தேர்ந்தெடுத்தல், நீர் பூத அமைப்பை குளங்கள் மூலமாக ஏற்படுத்துதல், நெருப்பு பூதத்தை விளக்குகள் மூலமாகவோ அல்லது பந்தங்களின் மூலமாகவோ கொண்டு வருதல்,காற்று தத்துவத்தை அக்கோவில் தீர்மானிக்கிற இடத்தில் காற்று வீசுகிற தன்மைக்கு அமைத்து உள் கொணர்தல், ஆகாயத்தத்துவத்தை மரங்கள் மூலமாக கொண்டு வந்து இந்த பஞ்ச பூத அடிப்படையிலும் கிரக சக்திகளை தீர்மானித்து,ஆகர்

ஷன படுத்தி, மக்களின் நலனுக்காக கோவில் அமைத்தனர். அங்கு தீர்மானித்த பஞ்ச பூத தத்துவங்களோடு, கிரக தன்மைகள்,நட்சத்திர தன்மைகள்,பூகோள அமைப்பு போன்றவற்றையும் உட்புகுத்தி கட்டமைத்ததுதான் கோவில் என்ற அமைப்பு.கர்ப்ப கிரகத்தில் இருக்கும் சிலைக்கு கூட இத்தன்மைகளை கவர்ந்து வெளியிடுகிற நீரோட்டமுள்ள கற்களை தேர்ந்தெடுத்து தான் பயன்படுத்தினர்.
இதில் குளம் என்கின்ற புஷ்க்கரணி பிரபஞ்ச தன்மையில் அவ்விடத்தில் தீர்மானித்து இருக்கிற சக்தியை பிரபஞ்சத்தில் பெற்று உள்வைத்து கொள்ளும் தன்மை கொண்டது.
இப்பூமியில் இருக்கும் அனைத்து கல்,மண்,புழு,பூச்சி,மனிதன்,தாவரங்கள் அனைத்தும் பிரபஞ்ச கிரக ஆற்றலினால் உருவாக்கப்பட்டவையே.இவைகளில் தாவரங்கள் மட்டுமே,மற்றவைகளின் இயக்கு சக்தியான உணவை வழங்கி மற்றவற்றை காக்கும் திறன் படித்தவையாக இருக்கிறது.நம் முன்னோர்கள் அக்காக்கும் சக்திகளில், எவ்வித கிரக ஆற்றல் இவைகள் பெற்றிருக்கிறதோ அதன்படி பிரித்து.மக்களுக்குஉணவாக பயன்படும் வகைகளில் கொடுத்தனர் . பாகம் 2இல் தொடரும் .........

திருமண பொருத்தம் ( பாகம் 2)

பாகம் 1 இல் திருமண பொருத்தம் எதற்கு பார்க்க படுகிறது என்று பார்த்தோம் அல்லவா,இனி ஏன் இப்பொருத்தங்களை பெண்ணிலிருந்து ஆணுக்கு பார்த்தார்கள் என்று பார்ப்போம்

நான் சென்ற பாகத்தில் கூறியது போல் விளைச்சலுக்கு விதையை விட பூமி முக்கியம். பூமியின்(பெண்ணின்) வளமை (பொருத்தங்கள்),பூமியின் திடத்திற்கு ஏற்ற விதை(செவ்வாய் நிலை),பூமியின் தட்ப நிலை,(சந்திரன்,சுக்கிரன், குரு நிலைமை) பூமி எந்த விதைக்கு ஏற்றது(ராகு கேது நிலைமை),போன்றவற்றை பார்த்து பூமிக்கு விதையாகிய ஆணை தேர்வு செய்தார்கள்.இயற்கையாக பூமிக்குதானய்யா விதையை தேர்ந்தெடுப்பார்கள்.எங்கும் விதைக்கு பூமியை தேர்ந்தேடுப்பதில்லையே. இயற்க்கை உயிர் ஜனனத்தை பெண்ணில் தானே வைத்திருக்கிறது. ஆதலால் தான் பூமியாகிய பெண்ணுக்கு விதையாகிய ஆணை தேர்ந்தெடுக்க சொன்னார்கள்.இவ்வாறு தேர்ந்தேடுத்தலில் விளைச்சல் (குழந்தைகள்) சிறந்த மன நிலை,உடல்நிலை,அறிவு,அறிவு நுட்பம்,செயல்திறன் ஆகிய வற்றில் சிறந்து விளங்குவார்கள் என்பது நம் முன்னோர்களின் கணக்கு.

இவ்வாறு ஒரு உயிர் ஜனனதிர்கான உன்னதமான விஷயமான காமம் ஏனோ இன்றைய சமூகத்தில் அருவருக்கிற விசயமாகி போனது தான் வருத்தம்.காமத்தை சரிவர புரிந்து கொள்ளாதது கூட ஒரு காரணம். கடவுள் தன்மைகளான, ருத்திரர் அர்த்தநாரிஸ்வரர்,நடராஜர்,காலபைரவர்,சதாசிவம் போன்ற நிலைகளை
காமத்தில் உணர முடியம்(அதை பற்றி பின்னர் விரிவாக எழுதுகிறேன்).

மேலும் மேற்கூறிய முறைகளோடு பெண்ணையும்,ஆணையும் தேர்ந்தெடுக்கும்போது பூமி,(பெண்) மற்றும் விதைகளின் (ஆண்) மூலம் (9 ம் பாவம்),இப்பூமி ,விதைகளின் தன்மை (1 ம் பாவம்), இப்பூமி ,விதை உற்பத்தி செய்கிற குழந்தை (5ம் பாவம்) என விருத்திகளை கையாண்டு, இன்னும் இன்னும் சிறப்பான சந்ததிகளின் தன்மையை மேம்பட செய்ததால்தான் இன்றைக்கு இந்தியர்களின் அறிவும் ஆற்றலும் மூளை திறனும் உலக மேடையில் போற்றபடுகிறது.இன்னும் வரும்.... அஸ்ட்ரோ பாபு.

திருமண பொருத்தம்

நண்பர்களுக்கு வணக்கம்,

நண்பர்கள் திரு.வரதராஜ் அவர்களும்,திரு விஷ்வம்பரி அவர்களும் திருமண பொருத்தம் எதற்கு என்றும்,ஏன் திருமண பொருத்தம் பெண்ணிலிருந்து ஆணுக்கு பார்கிறார்கள் என்ற கேள்விக்கு எனக்கு புரிந்த நான் உணர்ந்த விசயங்களை உங்களுடன் இப்பதிவின் மூலமாக பகிர்ந்து கொள்கிறேன்.

நான் ஏற்கனவே என் கட்டுரைகளில் எழுதி உள்ளபடி பூமியில் இருக்கிற அனைத்து ஜீவராசிகளின் தலையாய கடமை இனபெருக்கம் செய்வது மட்டுமே.மனிதர்கள் உட்பட இதுதான் இயற்கை வழங்கிய ஒன்று. வாழ்க்கை வசதி பணம் எல்லாம் நம் ஏற்படுத்திய விஷயம். இயற்கைக்கும் இதற்கும் எவ்வித சம்பந்தமும் இல்லை. இந்த இன பெருக்கத்திற்கான செயல்தான் கலவி, இயற்கையின் பரிணாம தத்துவத்தில் பகுத்தறிவு என்ற ஆறாம் அறிவின் உதவியால் அந்த செயலை (காரணத்தை)வைத்து கொண்டு பலனை ( காரியத்தை) மறந்து போனோம்.
சிற்றின்பம் பேரின்பம் இரண்டுக்கும் உள்ள வித்தியாசம் கால அளவு மட்டுமே. மனம் இறந்த நிலையை ஒன்றும் இல்லா தெய்வீக நிலையை இரண்டிலும் பெற முடியம். சிற்றின்பத்தில் சிறிது நேரம் உணர முடியும். பேரின்பத்தில் அதே நிலையில் இருக்க முடியும். இரண்டின் கடைசி எல்லையும் ஒன்றுதான்.ஒன்றும் இல்லா நிலை. அந்த தன்மைதான் பிரபஞ்ச மூலத்தோடு தொடர்பு ஏற்படுத்தும்.ஏனெனில் மூலமும் ஒன்றும் இல்லாததுதான். இதுதான் கடவுள் தன்மை.இந்த தன்மையில் கலவியில் இருக்கும் பொழுது அச்செயலின் உச்சத்தில்தான் மனம் இறந்து ஒன்றும் இல்லா நிலையில் கடவுள் தன்மையில்தான் சிருஷ்டி நடக்கிறது.இது மனிதனுக்கு மட்டும் இறை என்ற பிரபஞ்சம் சக்தி வழங்கிய வரம். ஜீவ ராசிகளில் மனிதன் மட்டுமே தன சிருஷ்டிப்பதை உணர முடியும்.
இன பெருக்கத்திற்கும் சந்ததி விருத்திக்கும் வித்தியாசம் இருக்கிறது. இனபெருக்கம் பொது தன்மைக்கான சொல்.சந்ததி விருத்தி சுய நலம். நான் என்ற அகங்காரம் வேலை செய்கிற இடம்.கூட்டமாக மனிதன் வாழ்ந்த இடத்தில்,தான் என்ற தன்மையை நிலை நாட்ட ,திறமையை வெளிபடுத்தி செய்கிற செயல்களில் (வேட்டை ஆடுதல்,விவசாயம்,காத்தல்) மாற்றத்தையும்,திறமையையும் கொண்டு வர செயல் செய்கிற பொருளான மனிதனை திறம் பட படைத்தல்.அதனால் கிடைக்கிற பலனில் தன்னை முன்னினிலை படுத்தல். என் சந்ததி தான் திறமை படைத்தவர் என்ற நிலையை உருவாக்குதல்.இந்த அகங்காரம் தான் மனித குலம் இன்று இவ்வாறு மேம்பாடடைய வழி வகுத்தது.
இவ்வாறு மேம்படுத்தப்பட்ட படைப்பிற்கு படைப்பாளிகள் ஆகிய இரண்டு சக்திகள் தேவை தானே, ஆண்,பெண் (விதை,விளைவிக்கிற இடம் பூமி) விதை சிறப்பாக விளைய செழிப்பான பூமி வேண்டும். வேறு முறையில் சொன்னால் செழிப்பான பூமியில் விதைக்கிற விதை சீரிய விளைச்சலை தரும் தானே?
அதேபோல்தரமான பூமியை தேர்ந்தெடுக்கும்போதே அப்பூமிக்கு தகுந்த விதையையும் தேர்தெடுத்து விளைச்சலில் திறமையான,சிறப்பானவற்றை கொண்டு வந்தனர்.பூமியின்(பெண்) தன்மை விதையின்(ஆண்) தன்மை இரண்டையும் அவர்கள் உருவான நட்சத்திரத்தை வைத்து (இதற்க்கு தான் நேற்று ஜனனம் கட்டுரை பதிந்தேன் புரிதலுக்காக) தீர்மானித்து இணைத்தனர். இதுதான் அந்த காலத்தைய பெயர் பொருத்தம் மற்றும் நட்சத்திர பொருத்தம்.

பின்னர் மனிதர்கள் வாழ்வியல் ஆசைகளில் ஈடுபட தொடங்கியபோது "நான்"" பெரிது பட துவங்கி என் மனைவி,என் குடும்பம், என் சந்ததி,என் பொருள்,என் சொத்து,....... என்ற தன்மைக்கு மாறியபொழுது,இணைந்து வாழ்தல் தவிர்க்க இயலாதாய் போனது. அப்பொழுதுதான் இணைந்து வாழ்வதற்கான அடுத்த பரிமாணம் ஆன குணம்(நட்சத்திரம்),கணம்(உடல் அமைப்பு),ராசி(குணம் கணம் கட்டமைப்பு),பூமியாகிய பெண்ணின் ஸ்திர தன்மை(ஸ்திரீ தீர்க்கம்) யோனி (கலவிக்கான பொருளான உறுப்பு) வசியம்(கவருகிற தன்மை)மகேந்திரம்(அழகு),ரஜ்ஜு (உடல் கூருகலின் திடம்),வேதை (கருத்து, பரிமாற்ற ஒற்றுமை) போன்றவற்றை நம் முன்னோர்கள் கணக்கிட்டு ஒரு பெண்ணையும் (பூமி) ஆணையும்(விதை) இணைத்தார்கள், ஆனால் ஆண் மற்றும் பெண்ணின் முழுதன்மையையும் அறிய அவர்கள் பிறந்த சூத்திரமான ஜாதகத்தை வைத்து தான் அறிய வேண்டும்
திருமணம் ஆனவர்களுக்கு தெரியும் இனைவாக அல்லது ஒத்துபோகிற மனம் மற்றும் குணம், சிறந்த உடல் அமைப்பு,,கவருகிற அழகும் சேர்ந்தால் திருமண வாழ்க்கை எத்தனை சுகம் என்று.

சரி ஏன் இத்தனை பொருத்தங்களையும் பெண்ணிலிருந்து பார்க்க வேண்டும் பாகம் 2 இல் தொடருகிறேன் ..இன்னும் வரும்.....அஸ்ட்ரோ பாபு