ருது
நண்பர்களுக்கு வணக்கம், அதீத வேலை காரணமாக தொடர்ந்து எழுத முடியவில்லை, இந்த கட்டுரை பெண்ணின் ருது பற்றியது. பெண் என்பவள் சக்தி,ஆண் என்பவன் சிவம்.ஆண் இருப்பு,பெண் இயக்கம், இயக்கம் இல்லா இருப்பு உபயோகம் அற்றது.பிரபஞ்சத்தில் இருக்கிற அனைத்துமே இவ்விரு தத்துவங்களுக்குள்ளே அடங்குவதை நாம் தெளிவுற சிந்திக்கும் போது புலப்படும்.மேலும் பிரபஞ்சத்தில் இருக்கிற ஐந்து சக்திகளான பஞ்ச பூத தத்துவங்களான நிலம்,நீர்,நெருப்பு,காற்று,ஆகாயம் ஆகியவகைகளின் அடிப்படையில்தான் நம் ஞானிகளும் சித்தர்களும் பூமியில் இருக்கிற அனைத்து விசயங்களிலும் உட்புகுத்தி அதன் செயல் சூத்திரங்களையும் கணக்கிட்டார்கள்.இப் பஞ்ச பூத தத்துவத்தில் இருப்பு சிவனாகவும்,இயக்கம் சக்தியாகவும் கொண்டு பல சூட்சுமங்களை உணர்த்திருக்கிறார்கள்.மனிதனின் உருவாக்கத்தில் சக்தியும் சிவனும் மட்டுமே இயங்குவதாக கண்டார்கள். இதில் இருப்பு சிவனை விட இயக்க சக்தி பெரும் சக்தி வாய்ந்ததாக உணர்ந்ததால் தான் இயக்கத்தின் ஆதி கடவுளாக ஆதிபராசக்தியை கொண்டு அச்சக்திக்கு பெண் வடிவமும் கொடுத்தனர். மேலும் நாம் வணங்குகிற அனைத்து கடவுள்களிலும் மேற்கூறிய தத்துவங்களின் அடிப்படையில்தான் சித்தரித்து இருக்கிறார்கள்.சிவம் சக்தி இரண்டையும் ஜோதிட தத்துவத்தில் சூரியன் சந்திரனுக்கு ஒப்பிட்டு பூமியின் இயக்கத்தை இரவு,பகல்,நாள் நட்சத்திரம்,திதி இவைகளின் கணக்குகளின் மூலமாக கொண்டிருப்பார்கள்.மேற்கத்திய ஜோதிடத்தில் சூரியனை மட்டுமே கணக்கெடுப்பதால் நம் நாட்டின் ஜோதிடத்தில் இருக்கிற தீர்க்கம் அங்கு கிடைப்பதில்லை.மேற்கூறிய சிறிய முத்தாய்ப்புடன் நான் எழுத வந்த ருது பற்றி பார்ப்போம்.
உயிர் ஜனித்ததிலிருந்து 12 ஆண்டுகளுக்கு ஒரு முறை அவ்வுயிரின் நிலை மாறி அடுத்த நிலை அடையும்.இது ஜனன கால குருவின் சுழற்சியை கணகெடுத்து சொல்லபட்டு இருக்கிற ஒரு விஷயம். சக்தியின் இயக்கமான பெண்ணில் இத்தன்மை பெரிய மாற்றங்களை ஏற்படுத்துகிறது.பெண்ணில் முதல் 12 ஆண்டுகள் முடிவுறுகிற தருவாயில் அடுத்த நிலைக்கு சக்தியினை உருவாக்கி ஒரு சக்தி பிரவாகமாக மாற்றுகிற காலம். ஆம் ஓர் உயிரிலிருந்து இன்னொரு உயிரை உருவாக்குவதற்கு உண்டான சக்தி மைய இயக்கத்தின் ஆரம்பம். ஓர் உயிரை ஜனனிப்பதற்க்கு உண்டான கருவறை திறப்பு,கோவில் கும்பாபிஷேகம். ஒளியாக இருந்து ஒளி பிழம்பாக உருமாறுகிற பருவம்.இந்த ருது, பெண் வடிவத்தை தாயாக சக்தியாக சக்தியின் திரளாக உருவெடுக்கும் நேரம். இது சக்தியாக பெண்ணிற்கு மட்டுமே ஏற்படுகிற இயற்க்கை தந்த வரம். இத்தன்மையில் அந்த பெண்ணின் உடலில் பிரபஞ்ச சக்தியின் வலிமை இறங்கி இருக்கிற நேரம். நம் வீட்டில் இருக்கும் 12 -13 வயது பெண்ணை பாருங்கள் புரியும். குழந்தை தனம் மாறி உடலில் மாற்றங்களை மட்டுமே நாம் வெளிப்படையாக காணமுடியும் அனால் சூட்சுமத்தில் பெரிய சக்தி வடிவமாக இருப்பார்கள்.
அச்சக்தியின் வடிவம்தான் பாலாதிரிபுரசுந்தரி அனைத்து கஷ்டங்களையும் தீர்க்கும் மிக பெரிய சக்தி அவள்.பால பருவத்தின் இறுதி நிலை குழந்தையும் தெய்வீகமும் தாண்டவமாடும் வசீகர முகம்.
இப்பருவத்தில் இருக்கிற பெண்ணை வைத்து துவங்குகிற நற் காரியங்கள் அனைத்தும் நிச்சயம் வெற்றி பெறும். முக்கியமான வேலைக்கு வெளியில் செல்பவர்கள் வீட்டில் இருக்கும் இந்த தன்மையில் இருக்கும் பெண்ணிடத்தில் வாக்கோ,அல்லது பணமோ,அல்லது வேலைக்கு உகந்த பொருளையோ பெற்று செல்லுங்கள் நிச்சயம் வெற்றி பெறும்.மேலும் உடல்நிலை சரில்லாமல் இருப்பவர்கள் நெடுநாள் வியாதியினால் சிர்மபடுபவர்கள் இப்பருவத்தில் இருக்கும் பெண்ணின் கையினால் தொடர்ச்சியாக மருந்து உண்டுவர நிச்சயம் பெரிய மாற்றத்தை உணர்வார்கள்.
பெண் என்ற சக்தி மையத்திற்கு 3 நிலைகள் முக்கியமாக கருதபடுகிறது.
1.ருது என்கிற கர்ப்பகிரக திறப்பு 2.சக்தி சிவனை ஆகர்ஷணமாக்கி தன்னுள் அடக்குகிற முதல் தாம்பத்திய உறவு 3.சக்தி,சிவம் உரு கருவாகி இருக்கிற கர்ப்ப காலம்.இம்மூன்று தன்மைகளிலும் பெண் ஜொலிப்பாள்.அவர்களுடைய முகம் ஒரு பொலிவு பெற்று தெய்வீக தன்மையை வெளிபடுத்துவதை காணலாம்.
பெண் ருதுவாகி சக்தியாகின்ற அந்த யோனி திறப்பை இன்றும் மிக பெரிய சக்தி விழாவாக மேற்கு வங்காளம்,கவுகாத்தியில் உள்ள காமாக்கினி கோவிலில் காணலாம்.அவ்விழாவில் சாதுக்கள்,சித்தர்கள்,நாகாக்கள்,பெருவாரியாக கலந்து கொள்கிற வருடத்திற்கு ஒருமுறை நடக்கின்ற மிக பெரிய விழா அது.
பெண்ணாகிய சக்தியில் இவ்வுண்ணதத்தை உணர்ந்து தான் நம் முன்னோர்கள் சக்தியில்லையேல் சிவன் இல்லை என்று கேந்திரத்தை இயக்குகிற திரிகோணத்தை போற்றி உள்ளனர்.இச்சக்தியை பெண்ணை போற்றுவோம்,வணங்குவோம் . இன்னும் வரும்...... அஸ்ட்ரோ பாபு

கிரகங்களின் பரிகார வழிபாடு பாகம் 5
நண்பர்களுக்கு வணக்கம்,
இந்த கட்டுரை நம்முடைய ஒரு நாளை தீர்மானிக்கிற சந்திரனின் பரிகார வழிபாட்டு முறை பற்றியது,சந்திரனுடைய அறிவியல் தன்மை விசயங்களை நேற்று மறுபதிப்பாக பதிந்திருந்தேன்.ஒரு முத்தாய்ப்பாக.பொதுவாக சந்திரனுக்கு தோஷம் என்பது இல்லையென்றாலும் வளர்பிறை சந்திரன்,தேய்பிறை சந்திரன் என்ற பாகுபாடு உள்ளது.வளர்பிறை சந்திரன் சுபம் எனவும் தேய்பிறை சந்திரன் சமம் எனவும் கொள்கிறார்கள்.
சந்திரன் நம் மூளையில் உள்ள செரிபலத்தில் ventircle 1,vemtricle 2, இன் இயக்கமும்,நம்முடையbllod plasma.,வின் இயக்கத்தையும் வைத்துகொண்டு ventircle 3., வழியாக midula vai. இயக்குகிறது. இந்த 4 இன் ஒரு முக்கிய பகுதியான மனத்தை இயக்குகிறது blood plasama,வை இயக்குவதால் இரத்தத்தின் ஓட்டத்தையும் அதன் விரைவு செயல் பாட்டையும் இயக்குவதால் மூளைக்கு சீரான இரத்த ஓட்டத்தை அளித்து மூளையை திறம்பட செயல்பட வைப்பதால் மூளையின் இயக்கமும் pitutary இயக்கமும் சீராக இருந்து நம்முடைய மனம் தெளிவான செயல்ப்பாட்டை செய்து எண்ணங்கள் தெளிவாகி அதன் செயல் திறம்பட உடலின் வழியாக செய்யப்படுகிறது. உடலின் செல்களின் இயக்கத்திற்கு மூலமாக இருப்பதால் சந்திரனை வைத்து அம்மனிதனின் மூலமான DNA வான அவனின் தாயின் உடைய பங்கை கூட கணிக்க முடியும்.ஆக இரத்தத்தின் ஓட்டமும்,அதனால் வீரியபடும் மூளையின் தன்மையும் இவை இரண்டும் செயல்படும் திரையான மனமும் சந்திரன்.
ஆன்மீக வழியில் சந்திரனுக்கு இயக்கம் என கொள்ளலாம் இருப்பு சூரியனும்,இயக்கம் சந்திரனும் ஆகும். இயக்கம் சீரிய வழியில் இருப்பின் இருப்பும் சுழற்சியில் வீரியபடும். சூரியன் கேந்திரம் என்றால் சந்திரன் திரிகூனம் ஆகும்.நம்முள் இருக்கிற இருப்புகளாகிய இரத்தம்,தசை,நரம்பு,எலும்பு ஆகியவற்றை இயக்குகிற இயக்க சக்தியாக சந்திரன் நம்முள் இயங்குகிறது.ஆனால் ரஜோ குணமாக இல்லாமல்,சாத்வீக குணத்தோடு இயங்குகிறது.நம் உடலின் நீர் தன்மையின் ஆதாரம் சந்திரன். சந்திரனுடைய சக்தியை நீர் இருக்கும் இடங்களில் அமாவாசை, மற்றும் பௌர்ணமி நேரங்களில் நன்றாக உணர முடியும்
சந்திரனுக்கு வளர்பிறை தேய்பிறை என்ற பாகுபாடு உள்ளது அல்லவா.சந்திரன் பூமியை சாய்ந்த பாதையில் கீழ்முகமாக இறங்குகின்ற சுற்றுப்பாதை தேய்பிறை என்றும்,மேல்முகமாக ஏறுகிறபோது வளர்பிறை. மேலிருந்து கீழாக வரும்போது ஒரு சக்தியையும் கீழிருந்து மேலே போகும்போது ஒருவித சக்தியையும் சந்திரன் பூமிக்கு வெளிபடுத்துகிறது. சிறு குழந்தைகள் சறுக்கு விளையாடுகிறபோது படி ஏறுகிறபோது முழு சக்தியையும் சறுக்கும்போது சக்தி குறைந்தும் பயன்படுத்துவது போலத்தான். வளர்பிறையில் பிறந்தவர்கள் சந்திரனின் சக்தி ஓட்டம் அதிகமாகவும் தேய்பிறையில் பிறந்தவர்கள் சக்தி ஓட்டமும் குறைந்தவராகவும் இருப்பார்.மேலும் ராசி கட்டத்தில் மறைவிடங்களான 3,6,8,12, சந்திரனின் நீச வீடான விருச்சிகம், சர்ப்ப சேர்க்கை மேலும் பகை கிரக சேர்க்கை போன்றவைகளில் சந்திரனின் தொடர்பு இருப்பின் சந்திரனின் சக்தியான மனதில் ஒரு மாறுபட்ட தன்மையை ஏற்படுத்தி இருக்கும். கேந்திர திரிகோணத்திலோ சுப கிரக சேர்க்கையோ இருப்பின் மனதின் தன்மை வலிமையோடும் மற்றும் தெளிவு நிறைந்ததாகவும் இருக்கும்.
நான் முன்னரே கூறியுள்ளபடி மூளை(குரு),இரத்தம்(செவ்வாய்),தசை (ராகு),நரம்பு(சனி),எலும்பு(சூரியன்) இவைகளில் மன சேர்க்கை சேரும்போது உடல் எவ்வாறு செயல் படுகிறதோ அதை பொறுத்துத்தான் அந்த மனிதனின் செயல்பாடுகள் இருக்கும்.
சந்திரனின் முக்கிய பரிகார ஸ்தலமாக திருப்பதியை சொல்கிறார்கள்.நான் மேற்கூறிய இடங்களில் சந்திரன் ஜனனத்தில் கொண்டிருப்பவர்கள் இங்கு செல்கிற போது சந்திரனின் மாறுபட்ட சக்தி சம நிலைக்கு வரும்.அதனால்தான் நம் முன்னோர்கள் வருடத்திற்கு ஒரு முறை திருப்பதி தரிசனம் மேற்கொண்டனர்.அதேபோல் நவ கிரக ஸ்தலங்களில் கும்பகோணம் திங்களூரில் சந்திரனின் சக்தியை நிலை நிறுத்தி வைத்து இருக்கின்றனர்.இந்த இடங்களில் சென்று ஒரு இரவு தங்கி வாருங்கள் மனதளவில் பெரிய மாற்றங்களை உணர்விர்கள் மனதும் உங்கள் வாழ்வும் வளம் பெரும். இன்னும் வரும்......
அஸ்ட்ரோ பாபு .

பாகம் 2
திரிகோணம்

திரிகோணம் என்பது பூமியின் சூரிய நீள் வட்ட பாதையில் அமைகிற சக்தியின் சுழி முனை. கேந்திரத்தை 90 டிகிரியாக பிரித்தது போல் இந்த சுழி முனையை கண்டு கொள்ள சூரிய பாதையை 3 ஆகா பிரித்து 120 டிகிரிக்கு ஒரு புள்ளி என்று கணக்கிட்டு ராசி மண்டலத்தில் சுற்றுகிற சக்தி ஓட்டத்தின் சுழி முனைகளை கண்டறிந்தார்கள்.சூரிய சுற்று பாதையில் 3 விதமான சக்தி ஓட்டம் இருப்பதையும் அது ஒரு சுழி முனைலிருந்து பிரிந்து 3 ஆகா செயல் படுகிறது எனபதையும் இன்றைய அறிவியல் வானவியலாளர்கள் கண்டு பிடித்து அதுக்கு ஆல்பா, டீட்டா,காமா என்று பெயரிட்டு இந்த கதிர வீசுகளை ஆராய்ந்து வருகிறார்கள் ஆனால் நம் முன்னோர்கள் அதற்க்கு அப்பொழுதே திரிகோணம் என்று ஜோதிடத்தின் மூலமாக கூறி உள்ளார்கள். இந்த மூன்று சக்திகளும் ஒன்றிக்கு ஒன்று மாறு பட்டாலும் மூலம் ஒன்றே..
இந்த சுழி முனைகள் சூரியனின் வட்ட பாதையில் 120 டிகிரியில் வேறு வேறாக பிரிந்து செயல் படு கின்றன.இதை ஜோதிடத்தில் சொல்லும் போது இந்த 120 டிகிரிக்குள் 9 கிரகங்கள் அவற்றின் நட்சத்திர சக்திகளும் அடங்கி விடும். உதாரணமாக கால புருஷ தத்துவப்படி மேஷத்தில் அச்வினியில் தொடங்கி கடகத்தில் ஆயல்யத்தில் 9 நட்சத்திரத்தில் 9 கிரகங்களின் சக்திகளும் அடங்கி விடும், அடுத்த சக்தி வெளிபாடு சிம்மத்தில் மகத்தில் தொடங்கி கேட்டையில் விருச்சகத்தில்
அடங்கும். அடுத்து மூலத்தில் தொடங்கி ரேவதியில் முடியும். இதுதான்
சக்தி ஓட்டத்தின் சக்திகள் மாறுபடும் இடங்கள். இது ஆரம்பிக்கிற புள்ளிகளை கணக்கில் கொண்டு அதன் வீரியத்தை கணக்கிட முடியும் ஜோதிடத்தில் அதுதான் திரிகோணம் . திரி என்பது 3 ஆகும் கோணம் என்பது ஒரு பொருளின் மறு வெளிப்பாடு.இந்த திரே கோணம் ஜோதிடத்தில் நாம் (1), நம் புத்தி அல்லது அறிவு (5), அதன் பலன்கள்(9) அறிவியலில் நாம்,நம் விதையான ..., விதை உருவான மூலமும் பலனும் என கொள்ளலாம்.இதையே நம் சித்தர்கள் பஞ்சாட்சர தத்துவ படி நெருப்பு, நிலம்,காற்று,நீர், ஆகாயம் என பிரித்து இந்த சுழி முனையின் வீரியத்தை கண்டு கொண்டார்கள் ஒரு தத்துவத்தில் ஆரம்பிக்கிற சுழி முனை மீண்டும் அதே தத்துவத்தில் தன்னை வேறு விதமாக காட்டுகிற தத்துவம்தான் திரிகோணம் . கேந்திரம் என்பது சக்தி ஓட்டத்தின் திசை திருப்பங்கள் என்றால் திரிகோணம் என்பது அந்த திசை சக்தியின் முடுக்கு விசை என்பதாம். ஒரு நீள் வட்டம்,வட்டத்துக்குள் சதுரம், சதரதுக்குள் முக்கோணம் இதுதானய்யா பிரபஞ்ச பிரமாண்டம். இன்னும் வரும்... அஸ்ட்ரோ பாபு