நண்பர்களுக்கு வணக்கம்,
இந்த கட்டுரை கிரக காரகங்களின் தொடர் கட்டுரைகளில் பாகம் 6 ஆன இயற்கை சுபர் என்று சொல்லுகிற குருவிற்கு தனக்காரகன் மற்று புத்திர காரகன் ஏன்? என்பதை பற்றியது.
சூரிய குடும்பத்தில் சூரியனை சுற்றி வருகிற 5 வது கிரகம்,பிரபஞ்ச இயக்கத்தில் தன பங்கினை எப்படி பூமியில் இருக்கிற ஜீவராசிகளிடத்தில் வழங்குகிறது.நான் முந்தைய கட்டுரைகளில் கூறியபடி காற்றின் மூலமாக சுவாசத்தின் வழியே உள்சென்று தன் ஆக்கத்தினையும் இயக்கத்தையும் செயல் படுத்துகிறது.
நம் உடல் மனது இவற்றின் செயல்பாடுகள் அனைத்தையும் வழிநடுத்துகிற, இயக்குகிற ஒரு மாஸ்டர் CPU வாக இருப்பது நம் மூளை பகுதியாகும். மூளையில் நான்கு பிரிவுகள் இருக்கின்றன. செரிபரம்,செரிபலம்,மிடுள இவை மூன்றையும் இணைக்கிற பிரைன் ஸ்டெம் இவை ஒவ்வொரு பகுதியும் உடம்பின் சில உறுப்புகளை உள்ளடக்கிய செயல்பாடுகளை தீர்மானிகின்றன மூளை எதன் மூலம் செயல்களை செய்கிறது என்றால் ஒவ்வொரு பகுதியில் சுரக்கிற திரவங்கள் மூலமாக மூளையின் ஒட்டுமொத்த செயல்களும் செயல் வடிவம் பெறுகின்றன. நான் ஏற்கனவே புதன்,செவ்வாய்,சுக்கிரன் சந்திரன்,கட்டுரைகளில் எழுதியுள்ள அனைத்து விசயங்களின் மேலும் இனி எழுத இருக்கிற ராகு,கேது,இவர்களின் செயல் கட்டுபாட்டு அறையாக செயல்படும் குருவின் தன்மை நம்முள், மேற்கூறிய கிரகங்களின் கட்டுப்பாடும் செயல் திறனும் செயல் படுகிற விதத்தில் பிரதி பலிக்கும் .அதாவது PITUITARY,NON NERVINESS JUNCTION,INDUCING OF MUSCLES,CONTROL OF BLOOD CELLS,ACTIVITIES OF BLOOD இவைகளின் கட்டுபாடு அறையாக விளங்குகிற மூளையின் செயல்களை குரு தன்மை இயக்குகிறது.இந்த இயக்கங்களின் மூலமே குரு தன்மைதான். அதாவது சுக்கிலம் உருவாக்கத்திற்கு காரணம் சுக்கிரன் என்றால் விந்தணுக்களின் பலம் குருவை சார்ந்தது.பெண்களுக்கு செவ்வாய் கருப்பை மற்றும் சுரோணிதத்தின் உருவாக்கம் என்றால் கரு முட்டையின் பலம் குருவினுடையது (புத்திரகாரகன்)புரிந்து கொள்ளல்,வெளிபடுத்துதல்,இவற்றின் மூலமாக கணக்கிடுதல்(புதன்,வித்தை காரகன்,கல்விகாரகன் ) இதன் பலன்கள் ஆனா பொருள் ஈட்டல் (தனகாரகன்) இம்மூன்று பொறுப்புகளும் குருவிற்கு இதை வைத்துதான் கொடுத்து இருக்கிறார்கள் நம் முன்னோர்கள்.
ஜோதிடத்தில் யோகம் என்று கூறுகிற நம்மின் நற் தன்மைகளின் வீரியங்கள் குருவின் தன்மையால் இன்னும் மேம்படுத்தலும் அல்லது குருவை முன்னிருத்தியே வகுத்துள்ளனர்.குரு சந்திர யோகம் கஜ கேசரி யோகம் போன்றவை உதாரணங்கள்.
இத்தனை விசயங்களின் உருவாக்கத்திற்கும் செயல்பாட்டிற்கும் மூளை என்ற செயல்பாட்டு மையம் காரணமாக இருப்பதால் இதை கடந்து செல்கிற ஆன்மீக விஷயங்களுக்கும் ஞான விஷயங்களுக்கும் (புரிதல் மற்றும் தேடல்)கூட குருவே பொறுப்பு எடுக்கிறார்.
மேலும் இந்த ஒரு கிரகத்துக்குதான் இரண்டு இணைகின்ற பஞ்ச பூத தத்துவங்களை கொடுத்து இருகிறார்கள் அதாவது நெருப்பு மற்றும் ஜல தத்துவம் இந்த தத்துவங்களின் குணங்களின் அடக்கமும் குரு தன்மைக்குள் அடங்குகிறது. தனுசு ராசிக்கும் மீன ராசிக்கும் பொறுப்பு எடுப்பதால் இந்த ராசி காரர்கள் இந்த சமுகம் வகுத்து இருக்கிற நற் தன்மைகளிலிருந்து சிறிதும் வழுவாமால் நேர்மை யோடு வாழ்க்கையை நடத்துபவர்களாக இருப்பார்கள்
மேலும் மற்ற கிரகங்களோடு குரு இணைந்தால் அக்கிரகங்களின் கெட்ட தன்மை அடிபட்டு போகும் என்ற ஜோதிடவிதியின் அடிபடையும் இதுதான்,மூளை(குரு) இயக்கம் நன்றாக இருப்பின் உடம்பு மற்றும் மனம் சார்ந்த விஷயங்களின் செயல்பாடுகளும் மேன்மை அடைந்ததாகத்தானே இருக்க முடியும்.
மூளையின் நான்கு பகுதிகளின் செயல்பாடுகளை இன்னும் தனித்தனியாக பிரித்து ஒவ்வொரு பகுதியும் எவ்வாறு செயல்படுகிறது என்பதை எழுதினால் ஒரு புத்தகம் எழுத வேண்டிவரும். கிரக காரகங்களுக்கு தேவையான விஷயங்களை முடிந்தவரை சுருக்கி எளிதில் புரியும்படி கொடுத்து இருக்கிறேன் என்ற நம்பிக்கையோடு அடுத்த பாகம் கேது ஞானக்காரகன் -- ஏன்? இல் தொடருகிறேன் தொடரும் . இன்னும் வரும்....... அஸ்ட்ரோ பாபு